Hlutverk sjóðsins er að auka tækifæri sjóðsfélaga til starfsþróunar, m.a. með því að sækja sér fræðslu og endurmenntun og með því að sækja ráðstefnur, þing og námskeið til þess að þróa sína starfshæfni. Félagsmannasjóðurinn er félagslegur jöfnunarsjóður þar sem greitt er út með hliðsjón af hlutfalli af inngreiðslu og starfstíma. Hámarksútgreiðsla á þessu ári er kr. 110.000.

Mikilvægar upplýsingar varðandi útgreiðslu sjóðsins. Greitt er út í desember vegna þeirra sem voru í starfi árið 2022 og fyrsta útgreiðsla vegna þeirra sem voru í starfi 2023 er í febrúar. Fyrir frekari upplýsingar vinsamlegast ýtið á tilkynninguna. ​

Félagsmannasjóðurinn Katla ítrekar mikilvægi skattalegrar meðferðar styrkja á skattaframtali 2023 eins og minnst var á í úthlutunarpósti til félagsmanna. Forskráning styrkja á framtali skilaði sér ekki á öll framtöl. Við hvetjum félagsmenn til að skoða leiðbeiningar á vef Kötlu https://katla.bsrb.is/ innri vef, undir fyrirsögninni; Reglur um skattaleg skil.

Greitt hefur verið úr Félagsmannasjóðnum Kötlu. Við fyrstu útgreiðslu ársins kom upp tæknivilla sem leiddi í ljós ranga úthlutun og hefur það verið leiðrétt. Félagsmannasjóðurinn er félagslegur jöfnunarsjóður og var útgreiðsla hækkuð upp eða látin standa í stað með hliðsjón af hlutfalli af inngreiðslu og starfstíma. Minna var til í sjóðnum en við útgreiðslu síðasta árs og er því hámarksútgreiðsla á þessu ári kr. 94.000. Stjórn Kötlu þykir miður að upp hafi komið tæknivilla sem nú hefur verið leiðrétt.

Unnið er að úthlutun úr Kötlu félagsmannasjóði og er lokið að greiða til 1/4 fjölda félagsmanna en vegna tæknilegra úrlausnarefna mun úthlutun dragast fram yfir miðjan febrúar.

Vegna fjölda afgreiðsla verður greitt út í áföngum frá 3. febrúar nk. Hámarksupphæð verður kr. 94.000 Þeir sem hafa fengið greitt úr sjóðnum árið 2022 vegna starfa sinna árið 2021 þurfa ekki að sækja um þar sem viðeigandi gögn og bankaupplýsingar liggja fyrir.