Velkomin á vef Kötlu félagsmannasjóðs
Athugið!
Aðild að Kötlu félagsmannasjóði eiga eingöngu starfsmenn sveitarfélaga sem eru félagsmenn aðildarfélaga BSRB (fyrir utan starfsmenn Reykjavíkurborgar), einnig eiga aðild að sjóðnum starfsmenn hjá Hjallastefnunni og sjálfseignarstofnunum sem eru með ákvæði um Félagsmannasjóð í kjarasamningi. Réttur sjóðfélaga er bundinn við aðild að sjóðnum líkt og reglur sjóðsins kveða á um.
Útgreiðsla úr sjóðnum fer fram fyrsta virka dag febrúar ár hvert vegna félagsaðildar á árinu á undan. Gildir fyrir alla sem voru félagsmenn á árinu jafnt fasta starfsmenn sem afleysingarfólk. Leggja þarf inn bankaupplýsingar inn á mínar síður svo útgreiðsla geti átt sér stað. Eftir að aðal útgreiðslu lýkur þá er hægt að leggja inn reikningsnúmer allt árið vegna launa árið á undan. Nánari upplýsingar er að fá frá því stéttarfélagi sem viðkomandi tilheyrir.
Útgreiðsla úr Kötlu
Útgreiðsla vegna ársins 2025 fer fram mánudaginn 2. febrúar 2026. Iðgjöld til sjóðsins er 2,2% af heildarlaunum sjóðsfélaga og miðast útgreiðsla við að hún verði sama upphæð og innborgun vinnuveitenda af hverjum félaga.
Styrki úr Kötlu Félagsmannasjóði ber að telja fram til skatts, Félagsmannasjóðurinn Katla ítrekar mikilvægi skattalegrar meðferðar styrkja á skattaframtali en forskráning styrkja á framtali hefur vonandi skilað sér. Við útgreiðslu er afdregin staðgreiðsla skatta samkvæmt öðru skattþrepi hvers ár. Kennitala Kötlu er 411220-0360.
Ef félagsmenn hafa greiðslukvittanir, sem skatturinn tekur gildar sem kostnað á móti styrknum, þá skal skila þeim með skattframtali. Við hvetjum félagsmenn til að skoða leiðbeiningar á vef Kötlu reglur um skattaleg skil innri vef, undir fyrirsögninni; Reglur um skattaleg skil.